• +95 1 538 055, +95 1 230 4999
  • asiaroyal@asiaroyal.com.mm

အရိုးသည် ကိုလက်ဂျင်အမျှင်(သန်မာတောင့်တင်း၍ ကျုံ့ကြွနိုင်သောအမျှင်)နှင့် တွင်းထွက်သတ္တုဓါတ်(ကြမ်း၍မာသောအခြေခံပစ္စည်း)များဖြင့် တည်ဆောက်ထားပါ သည်။ အရိုးသည်သက်ရှိတစ်သျှူးဖြစ်၍ ဆဲလ်များပါဝင်ကာ ယင်းဆဲလ်များကအရိုးနှင့် ဆိုင်ရာဆိုင်ရာအရိုး၏ ပုံသဏ္ဍာန်အမျိုးမျိုးကိုဖြစ်ပေါ်စေပါသည်။

အသက်၄၅နှစ်ကျော်လာသောအခါ အရိုး၏အခြေခံပစ္စည်းများ ဆုံးရှုံးလာသည်။ ထိုအခါ အရိုး၏သိပ်သည်းဆ ပို၍နည်းလာပြီး ပျားလဘို့အုံကဲ့သို့ချိုင့်ခွက်များ ပိုများလာသည်။ သန်မာမှုမှာပိုလျော့လာသည်။ သာမန်အရိုးများထက် ပို၍ကျိုးပဲ့လွယ်လာသည်။

အရိုးပွရောဂါသည် အနောက်နိုင်ငံများတွင်အဖြစ်များသည်ဟု ဆိုသော်လည်း ၂၀၅၀တွင်အာရှ၌ တစ်ကမ္ဘာလုံးတင်ပဆုံရိုးကျိုးသူ၏ ၅၀%အထိ တိုးလာနိုင်သည်ဟု ခန့်မှန်းထားပါသည်။ ၂၀၅၀တွင် တစ်ကမ္ဘာလုံး၌ အရိုးပွရောဂါကြောင့် တင်ပဆုံရိုးကျိုး သူ ၆.၄သန်းခန့်ရှိမည်ဟု ခန့်မှန်းထားသောကြောင့် အာရှတွင်အရိုးပွရောဂါကြောင့် တင်ပဆုံရိုးကျိုးသူ ၃.၂သန်းရှိမည်ဖြစ်သည်။ ထို့ကြောင့်အရိုးပွရောဂါကို အာရှနိုင်ငံများ ဖွံ့ဖြိုးတိုးတက်ရာလမ်းတွင်တိုးလာမည့်ဝန်ထုပ်ဝန်ပိုးသစ်ဖြစ်သည်ဟု ပြောဆိုနေကြပါသည်။ အာရှတွင်အရိုးပွရောဂါတိုးပွားလာရခြင်းမှာ အာရှသားများအသက်ပိုရှည်လာခြင်း၊ လှုပ်ရှားမှုနည်းလာခြင်းနှင့် အနောက်နိုင်ငံဆန်လာသော လူနေမှုစရိုက်တို့ ကြောင့်ဖြစ်သည်။

အရိုးပွရောဂါသည် အသက်ကြီးသူများတွင်အဓိကဖြစ်ပြီး အတော်အသင့်ကာ ကွယ်နိုင်သောကြောင့် အသက်ကြီးမှဝေဒနာခံစားရတာမျိုး၊သူတစ်ပါး၏၀န်ထုပ်ဝန်ပိုး မဖြစ်ရလေအောင် ကြိုတင်ကာကွယ်မှုရယူပြင်ဆင်ထားသင့်ပါသည်။

အရိုးပွရောဂါကိုဘယ်လိုကာကွယ်မလဲ?
(၁) လေ့ကျင့်ခန်းပြုလုပ်ခြင်း
အားစိုက်ပြုလုပ်ရသောလေ့ကျင့်ခန်းများကို တစ်ပတ်လျှင် ၄-၅ကြိမ်ဖြင့် တစ်ကြိမ်လျှင်မိနစ်၃၀ခန့်ပြုလုပ်ပေးခြင်းသည် သင့်အတွက်အကျိုးအရှိဆုံးဖြစ်သည်။

(၂) သင့်တင့်သောအစားအစာနှင့်အာဟာရ ရအောင်စားသောက်ခြင်း
ကယ်လ်စီယမ်နှင့်ဗီတာမင်ဒီသည် အရိုးကျန်းမာရေးအတွက် အရေးကြီးပါသည်။ လူကြီးအတွက်နေ့စဉ်ကယ်လ်စီယမ် 700mgနှင့် ဗီတာမင်ဒီကို 400IUသောက်သုံးနိုင် ရန် ရည်မှန်းထားပါသည်။

ကယ်လ်စီယမ်- 700-1000mgကို အလွယ်ကူဆုံးအားဖြင့် နွားနို့ကိုငှက်ပျောဖူးတစ်ပုလင်းခန့် နေ့စဉ်သောက်သုံးခြင်းနှင့်ချိစ်(အမာ) 60mg စားပေး ခြင်းတို့မှ ရရှိနိုင်ပါသည်။ပေါင်မုန့်၊ကယ်လ်စီယမ်ဖြည့်စွက်ထားသော ပဲနို့ရည်၊ အချို့ ဟင်းသီးဟင်းရွက်များ(ဥပမာ-ဟင်းနုနွယ်ရွက်)နှင့် သစ်သီးဝလံများသည် ကယ်လ်စီယမ်အများအပြားပါသော အစားအစာများဖြစ်သည်။
Adolescents – Ages 10-18: 1300 mg per day
Women – Ages 19 to menopause: 1000 mg per day
Women – Post-menopause: 1300 mg per day
Men – Ages 19-65: 1000 mg per day
Men – Ages 65+: 1300 mg per day
(Source: World Health Organization, http://www.columbiaendocrinology.com/osteoporosis/)

ဗီတာမင်ဒီ- ခန္ဓာကိုယ်ကိုနေရောင်ခြည်ထိတွေ့မှုမှတစ်ဆင့် ဗီတာမင်ဒီကိုထုတ်လုပ်ပေး ပါသည်။ ၆၅နှစ်အထက်ကြီးသူများ၊အာဟာရ ချို့တဲ့ခြင်းကြောင့်ဗီတာမင်ဒီချို့တဲ့သူများ နှင့်နေရောင်ခြည်ထိတွေ့မှုနည်းသောသူများကို လုံလောက်သောဗီတာမင်ဒီရရှိရန် ဗီတာမင်ဒီဖြည့်စွက်စာများပေးရန် လိုအပ်ပါသည်။
Women – Under 50: 400-800 IU daily
Women – Over 50: 800-1000 IU daily
Men – Under 50: 400-800 IU daily
Men – Over 50: 800-1000 IU daily
(Source: National Osteoporosis Foundation, http://www.columbiaendocrinology.com/osteoporosis/)

(၃) ဆေးလိပ်နှင့်အရက်ဖြတ်ခြင်း
သွေးထဲရောက်သွားသော ဆေးရွက်ကြီးထဲတွင်ပါသော ဓါတုပစ္စည်းများသည် အရိုးပေါ်တွင် အကျိုးသက်ရောက်မှုရှိပြီး အရိုးဆုံးရှုံးမှုကိုပိုဆိုးစေ၍ ဆေးလိပ်ဖြတ်နိုင် အောင် နည်းမျိုးစုံဖြင့်ကြိုးစားသင့်သည်။ အရက်အလွန်အကျွံသောက်တတ်ပါကလည်း ဖြတ်သင့်ပါသည်။

(၄) ဟော်မုန်းအစားထိုးကုသခြင်း
ဟော်မုန်းအစားထိုးကုသခြင်းတွင် အီစထရိုဂျင်ပါဝင်ပါသည်။ လွန်ခဲ့သောနှစ် အနည်းငယ်က ဟော်မုန်းအစားထိုးကုသခြင်းကို အရိုးပွရောဂါကာကွယ်ရေးအတွက် တွင်ကျယ်စွာအသုံးပြုခဲ့သော်လည်း ရေရှည်တွင်သုံးစွဲသူ၏ကျန်းမာရေးကို အန္တရာယ် ဖြစ်နိုင်ဖွယ်ရှိခြင်းကြောင့် ယခုအခါအရိုးပွရောဂါတစ်ခုတည်း ကာကွယ်ရန်ရည်ရွယ်ချက် ဖြင့် အသုံးမပြုတော့ပါ။

(၅) အခြားအချက်များအနေနှင့်
-နို့နှင့်နို့ထွက်ပစ္စည်းများ စားသုံးပေးခြင်း။
-နေရောင်ခြည်လှုံပေးခြင်း (ဥပမာ-နံနက်စောစော ၆နာရီမှ ၈နာရီအတွင်း ၁၀မိနစ်မှ မိနစ်၂၀ခန့်အထိနေပူဆာလှုံပေးခြင်း)
-ဖိုက်တိုအီစထရိုဂျင်ကြွယ်ဝသောအစားအစာများစားသုံးပေးခြင်း (ဥပမာ-အစေ့အဆံများ၊ ပဲပိစပ်၊ စတော်ဘယ်ရီ၊ ကြက်သွန်ဖြူ၊ ပဲနို့၊ တို့ဖူး)
-အစိမ်းရောင်ရှိသော အသီးအရွက်များ စားသုံးပေးခြင်း။ တို့ပြုလုပ်ပေးသင့်သည်။

အရိုးပွရောဂါ၏လက္ခဏာနှင့် ပြဿနာတွေကဘာတွေလဲ?
အရိုးပွရောဂါသည် နှစ်ပေါင်းအတော်ကြာအချိန်ယူပြီး မည်သည့်လက္ခဏာမှမပြ ဘဲ တဖြည်းဖြည်းဖြစ်ပေါ်လာသောရောဂါဖြစ်ပါသည်။ Silent thief(အသံတိတ်သူခိုး)ဟုပင် တင်စားခေါ်ဝေါ်ကြပါသည်။ သို့သော် အရိုးဆုံးရှုံးမှုအတော်အသင့်ရှိပြီးနောက် အောက်ပါလက္ခဏာများကို တွေ့ရှိနိုင်ပါသည်။

(၁) သာမန်ထိခိုက်မိခြင်း(ချော်လဲခြင်း)ကြောင့် အရိုးကျိုးခြင်း
အရိုးပွရောဂါရှိနေပြီဆိုလျှင် ရပ်နေရာမှမြေပေါ်ချော်ကျရုံနှင့် အရိုးကျိုးစေနိုင်ပါ သည်။ အရိုးအကျိုးအများဆုံးနေရာများမှာ တင်ပါးဆုံ၊လက်ကောက်ဝတ်နှင့်ကျောရိုးတို့ ဖြစ်သည်။
နှစ်စဉ်၆၅နှစ်နှင့်အထက်သူများသည် ၃ယောက်လျှင်၁ယောက်နှုန်းနှင့် ၈၀နှစ်နှင့် အထက်သူများသည် ၂ယောက်လျှင်၁ယောက်နှုန်း၁ကြိမ်ချော်ကျသည်ဟု ခန့်မှန်းပါ သည်။
နှစ်စဉ်UKတွင် လူ(၆၀၀၀၀)ကျော် တင်ပဆုံရိုးကျိုးပြီး အယောက်၂၀လျှင် ၁၉ယောက်သည် အရိုးပွရောဂါရှိသဖြင့် သာမန်ချော်ကျခြင်းကြောင့် ကျိုးရခြင်းဖြစ်သည်ဟု သိရပါသည်။

(၂) အရပ်ပုလာခြင်း၊အမြဲတမ်းကျောနာခြင်းနှင့် ခါးကုန်းလာခြင်း
ခန္ဓာကိုယ်အလးချိန်နှင့်ဖိညှပ်ခံရသဖြင့် ကျောရိုးတစ်ခုထက်ပို၍ကျိုးသောအခါ ယင်းလက္ခဏာများပေါ်လာပါသည်။ အရိုးပွနေသောကျောရိုးတစ်ခုသည် ချော်ကျခြင်း (သို့)၎င်းပေါ်တွင်သိသာထင်ရှားသောအား သက်ရောက်မှုမရှိဘဲနှင့်လည်း ကျိုးတတ်ပါ သည်။
UKတွင် နှစ်စဉ်ကျောရိုးကျိုးပြီးသူ(၁၂၀၀၀၀)ကျော်တွင် ၄ပုံ၁ပုံသည်သာ ချော်ကျ ခြင်းကြောင့် ဖြစ်သည်ဟုသိရပါသည်။

ဘယ်သူတွေက အရိုးပွရောဂါဖြစ်ဖို့ အန္တရာယ်ပိုများသလဲ?
အမျိုးသားနှင့်အမျိုးသမီးအားလုံးသည် အသက်ကြီးလာသည်နှင့်အမျှ(အထူး သဖြင့် အသက်၆၀ကျော်လာသည်နှင့်အမျှ)အရိုးပွရောဂါဖြစ်ဖို့ အန္တရာယ်ပိုများပါသည်။ အမျိုးသမီးများသည် အမျိုးသားများထက် ဖြစ်နိုင်ချေပိုများသည်။ အောက်ပါအခြေ အနေများသည် အရိုးပွရောဂါဖြစ်ပွားဖို့အန္တရာယ် ပိုများစေသောအချက်များဖြစ်သည်။
-အသက်၄၅နှစ်မတိုင်မီ သွေးဆုံးခြင်း
-မိသားစုရာဇ၀င်တွင် အရိုးပွရောဂါဖြစ်ခဲ့ဖူးသည့်ရာဇ၀င်အခိုင်အမာရှိခြင်း။
-BMI (Body mass index)သည် ၁၉ထက်နည်းခြင်း (သာမန်ကိုယ်အလေး ချိန်ထက် အလွန်လျော့နည်းသည်ကိုဆိုလိုသည်)။
-သွေးဆုံးချိန်မတိုင်ဘဲ တစ်နှစ်(သို့)တစ်နှစ်ထက်ပို၍ရာသီမပေါ်ခြင်း။
-Steroid စတီးရွိုက်ဆေး (ဥပမာ-Prednisolone)ကို ၃လနှင့်အထက်သောက်ခဲ့ဘူး(သို့)သောက်နေဆဲဖြစ်ခြင်း။
-ဆေးလိပ်သောက်ခြင်း၊အရက်အလွန်အကျွံသောက်ခြင်း။
-Calciumကယ်လ်စီယမ်နှင့်/သို့ Vitamin D ဗီတာမင်ဒီချို့တဲ့ခြင်း
-ပုံမှန်လေ့ကျင့်ခန်းမယူဖြစ်ခြင်းနှင့် ကိုယ်လက်လှုပ်ရှားမှုနည်းသောအလေ့အထရှိခြင်း
-အရိုးပေါ်အကျိုးသက်ရောက်စေသော အချို့သောကျန်းမာရေးအခြေ အနေများ ရှိနေ/ရှိခဲ့ခြင်း။ (ဥပမာ-သိုင်းရွိုက်ဂလင်း အလုပ်ပိုလုပ်ခြင်း၊ ပါရာသိုင်းရွိုက်ဂလင်း အလုပ်ပိုလုပ်ခြင်း၊ Cushing’s ရောဂါ၊ နာတာရှည်ကျောက်ကပ်ပျက်ဆီးခြင်းနှင့် လှုပ်ရှားမှု နည်းစေသောအခြေအနေ)
-မျိုးရိုးဗီဇအရ Connective Tissuse များကောင်းစွာအလုပ်မလုပ်သောရောဂါအခံရှိသူများ၊ Marfan Syndrome၊ Ehlers-Danlos Syndrome

Ref:
(1) http://www.columbiaendocrinology.com/osteoporosis/
(2) https://www.medicinenet.com/osteoporosis/article.htm…

Photo Credit:
https://trainingszentrum.ch/…/uploa…/2016/09/Osteoporose.jpg

=================================================
အာရှတော်ဝင်ဆေးရုံ၏၀န်ဆောင်မှုများအတွက် အာရှတော်ဝင်ဖုန်းနံပတ် – 01-2304999 နှင့် 01-538055 သို့ မေးမြန်းနိုင်ပါကြောင်း သတင်းကောင်းပါးအပ်ပါသည်
အမှတ်(၁၄)၊ ဗဟိုလမ်း၊ စမ်းချောင်းမြို့နယ်၊ ရန်ကုန်မြို့။
ဖုန်းနံပါတ် – ၀၁-၂၃၀၄၉၉၉ ၊ ၀၁-၅၃၈၀၅၅။
Email: asiaroyal@asiaroyal.com.mm
Website: www.asiaroyalhospital.com
Facebook: www.facebook.com/asiaroyalhospital