• +95 1 538 055, +95 1 230 4999
  • asiaroyal@asiaroyal.com.mm

လေဖြတ်ရောဂါသည် ဦးနှောက်ကို သွေးလည်ပတ်မှု/ သွေးရောက်ရှိမှု ရပ်ဆိုင်းသွားတဲ့အတွက် နောက်ဆက်တွဲဖြစ်ပေါ်လာရတဲ့ရောဂါဖြစ်သည်၊ ဦးနှောက်အစိတ်အပိုင်းများအတွက် လိုအပ်သော သွေးလည်ပတ်မှုပမာဏ မရရှိပါက ၄င်းနေရာရဲ့ လုပ်ငန်းတွေဟာ နှေးကွေးရပ်ဆိုင်းသွားပြီး လေဖြတ်ရောဂါ လက္ခဏာများ ဖြစ်ပေါ်လာပါသည်။ လေဖြတ်ရောဂါ နှစ်မျိုးနှစ်စားရှိသည်၊ ဦးနှောက်သွေးကြောပိတ်ဆို့လေဖြတ်ခြင်းနှင့် ဦးနှောက်သွေးကြောပေါက်လို့ ဦးနှောက်အတွင်းသွေးယိုပြီး လေဖြတ်ခြင်းတို့ဖြစ်သည်။

 

ဦးနှောက်သွေးကြော”ပိတ်”ပြီးလေဖြတ်တယ်ဆိုတာဘာလဲ?
ဦးနှောက်ထဲမှာရှိတဲ့ သွေးကြောငယ်လေးများ ကျဉ်းပြီးပိတ်ခြင်း (သို့မဟုတ်) နှလုံးနှင့်သွေးလွှတ်ကြောများကို သွေးခဲငယ်လေးဖြင့် ဦးနှောက်ဆီ လာရောက်မှုကို ပိတ်စို့ခြင်းတို့ကြောင့် ဖြစ်သည်။

ဦးနှောက်သွေးကြော”ပေါက်”ပြီးလေဖြတ်တယ်ဆိုတာဘာလဲ?
သွေးပေါင်ချိန်မြင့်လာမှုတို့ကြောင့်သွေးကြောတွေပေါက်သွားခြင်း၊ မွေးရာပါသွေးကြောစုထုံးမှပေါက်ပြီး ဦးနှောက် (ဒါမှမဟုတ်) ဦးနှောက်အမြှေးပါးများထဲသို့ သွေးယိုစိမ့်ခြင်းကြောင့်ဖြစ်သောလေဖြတ်ရောဂါ ဖြစ်သည်။

လေဖြတ်သည်ဟုသံသယရှိလျှင်….
(၁) မျက်နှာကိုကြည့်ပါ၊ မျက်နှာ ဒါမှမဟုတ် ပါးရွဲ့နေသလား၊ မျက်နှာတဖက်နှင့်တဖက်မညီလျှင် မပေါ့ဆသင့်ပါ၊
(၂) လက်နှစ်ဖက်စလုံး မြှောက်နိုင်ပါသလား၊ လက်တဖက်မြှောက်နိုင်ပြီးအခြားတဖက်မမြှောက်နိုင်လျှင် သတိပြုပါ၊
(၃) စကားပြောရင် စကားဝါးလား/လုံးလား/နားမလည်ဘူးလားဆိုတဲ့ လက္ခဏာတစ်ခုခုတွေ့ရင် အလျှင်အမြန်ဆေးကုမှုခံယူရန် အနီးဆုံးဆေးရုံသို့ သွားသင့်ပါသည်။
ဦးနှောက်သွေးကြောပိတ်ခြင်းကြောင့် လေဖြတ်လျှင်ဆေးရုံသို့ အချိန်မှီရောက်ရှိပါက ရောဂါပြင်းထန်မှုမရှိတဲ့သူတစ်ချို့ကို tPA လို့ခေါ်တဲ့ သွေးခဲပျော်ဆေးဖြင့် ကုသနိုင်ပါသည်။
၎င်းဆေးသည် လေဖြတ်လူနာတိုင်းအား ဆေးသွင့်ပြီး ကုသလို့မရပါ၊ ရောဂါလက္ခဏာစပေါ်တဲ့အချိန်ကစပြီး ၄ နာရီအတွင်းမှသာလျှင် tPA ဆေးနဲ့(Thrombolysis)သွေးခဲပျော်ကုသခြင်းဖြင့်ကုသနိုင်ပါသည်၊ ထို့ကြောင့် လူနာကိုဖြစ်ဖြစ်ခြင်း ၃ နာရီအတွင်းဆေးရုံရောက်အောင်ပို့ဆောင်ရမှာဖြစ်ပါသည်၊ ဆေးရုံမြန်မြန်ရောက်ပြီး မြန်မြန်ဆေးသွင်းကုသလျှင် လူနာအတွက် အကျိုးများမည်ဖြစ်ပါသည်။
ဆေးပညာသုတေသနတွေ့ရှိချက်များအရ ၄င်း tPA သွေးခဲပျော်ဆေးကို ၁ နာရီအတွင်းအချိန်မီ ဆေးသွင်းပြီးကုသနိုင်ပါက လူနာ ၈ ယောက်မှာ ၁ ယောက် ပကတိနီးပါးအတိုင်း ကောင်းကောင်းမွန်မွန် အဆင့်ထိ ပြန်လည်သွားလာ နေထိုင်နိုင်ကြောင်း တွေ့ရှိရမှာဖြစ်ပါသည်။
ယခုအခါအာရှတော်ဝင်ဆေးရုံတွင် ၄င်း tPA ဆေးလို့ခေါ်တဲ့ သွေးခဲပျော်ဆေးဖြင့် အချိန်မှီဆေးရုံသို့ ဦးနှောက်သွေးကြောပိတ်ဝေဒနာရှင်များ၊ လေဖြတ်ပြီးရောက်လာသည့်လူနာများထဲမှ သတ်မှတ်ထားသော စံချိန်၊စံညွှန်းများနဲ့ညီညွှတ်သည့် ဝေဒနာရှင်များကို ဆေးသွင်း ကုသနိုင်ပြီဖြစ်ပါသည်။
လေဖြတ်ခြင်းကိုဖြစ်စေတဲ့ အကြောင်းအရာများကို သိရှိပြီးရောဂါကို စနစ်တကျကုသခံယူကာ နေထိုင်မှုအဆင့်စရိုက်များကို အချိန်မှီပြုပြင်ပြီး ပြောင်းလဲနိုင်ခဲ့လျှင် လေဖြတ်ရောဂါဖြစ်ပွားနိုင်တဲ့ အခွင့်အလမ်းများကို လျော့ချနိုင်ပါသည်။
(၁)သွေးတိုးရောဂါရှိလျှင် သွေးပေါင်ချိန်ကို ပုံမှန်ရှိအောင်ထိန်းရန်၊ ကုသရန်။
(၂)ဆီးချို၊သွေးတိုးရှိရင် စနစ်တကျကုသရန်။
(၃)သွေးတွင် အဆီဓါတ် Cholesterol မတက်အောင် ဂရုစိုက်ပါ။
(၄)ဆေးလိပ်ဖြတ်ပါ၊ ဆေးလိပ်သောက်ခြင်းမှ ရှောင်ကြဉ်ရန်။
(၅)အရက်အလွန်အကျွံသောက်ခြင်းမှ ရှောင်ကြဉ်ရန်။
(၆)ကျန်းမာရေးနှင့်ညီညွှတ်တဲ့ အစားအစာများကို စားသုံးရန်။
(၇)အချိုဓါတ်၊ အဆီဓါတ်၊ အငန်လွန်ကဲသောအစားအသောက်များကိုရှောင်ရန်။
(၈)ကိုယ်လက်လှုပ်ရှားမှုကို တစ်ပါတ် ၃-၄ ကြိမ်၊ နာရီဝက် ၄၅ မိနစ်လောက်လုပ်ရန်။
(၉)လေမဖြတ်မီ ကြိုတင်သတိပေးတဲ့ လေဖြန်းလက္ခဏာများ ရှိလာပါက အချိန်မှီ ဆေးရုံသို့သွား၍ ကုသမှုခံယူရန်လိုအပ်ပါသည်။
=========================================================
အာရှတော်ဝင်ဆေးရုံ၏၀န်ဆောင်မှုများအတွက် အာရှတော်ဝင်ဖုန်းနံပတ် – 01-538055 နှင့် 01-2304999 သို့ ၂၄/၇ မေးမြန်းနိုင်ပါကြောင်း သတင်းကောင်းပါးအပ်ပါသည်
အမှတ်(၁၄)၊ ဗဟိုလမ်း၊ စမ်းချောင်းမြို့နယ်၊ ရန်ကုန်မြို့။
ဖုန်းနံပါတ် – ၀၁-၅၃၈၀၅၅၊ ၀၁-၂၃၀၄၉၉၉။
Email: asiaroyal@asiaroyal.com.mm
Website: www.asiaroyalhospital.com
Facebook: www.facebook.com/asiaroyalhospital